Partizani do përballet nesër në 19:45 me Tiranën në “Air Albania”. Ndeshja derbi vlen për javën e 15 të Superligës, me duelin që është komentuar edhe nga Belica. Mbrojtësi I kuq është rikthyer pas mungesës në sfidën me Kukësin, duke treguar edhe “recetën” për tri pikët.
“Nuk është derbi i parë si kampion. Kemi fituar me Hebajn 2-1 kur kam qenë. Albani është kapiteni, është pjesë e ekipit. Shpresojmë të nisim të fitojmë në vazhdimësi, duke nisur nga derbi e për të vijuar vitin tjetër.
Nesër shpresoj që të gjithë të jemi në lartësinë e duhur, të mbrohemi mirë dhe pastaj të sulmojmë të gjithë së bashku.
Ka presion, pavarësisht nëse është derbi apo jo. Kush e menaxhon presionin më mirë arrin te fitorja në derbi.
Pa marrë parasysh me çfarë sulmi luan Tirana, ne do mundohemi të paraqitemi sa më mirë. Ne ndjekim udhëzimet e profesorit, pavarësisht modulit. Nesër tifozët tanë do të jenë më të shumtë në numër dhe shpresojmë të na mbështesin”, tha Belica.
