Një ditë pasi në selinë e PD shkoi ish-Kryeministri Sali Berisha dhe anëtarët e Komitetit të Rithemelimit, i miratuar nga Kuvendi i 11 dhjetorit, në selinë e partisë më të madhe opozitare, janë vendosur kamerat e sigurisë.
Video e mëposhtme tregon momentet e instalimit të kamerave në hyrje të selisë qendrore. Nuk dihet sepse është marrë një vendim i tillë, por raportohet se ai është marrë nga Lulzim Basha, i shkarkuar nga posti i kreut të PD më 11 dhjetor, por që ai nuk e njeh si vendim.
Një ditë më parë, një nga personat që shoqëronte grupin e Komitetit të Rithemelimit përdori forcën për të hapur një nga dyert e sallave në selinë e PD, pasi Lulzim Basha ka ndryshuar bravat.
Nuk dihet sepse është marrë një vendim i tillë kur thuhet se selia e PD është e demokratëve, sikundër nuk dihet se ku transmetohen pamjet që fiksojnë kamerat e vendosura nga administrata e kësaj partie.
