Edhe Koreja e Veriut do ta “mirëpresë” inagurimit e Donald Trump.
Sipas agjencisë koreano-jugore të lajmeve, Yonhap, e cila citon burime nga zyrtarë të lartë ushtarakë të Seulit, thotë se Peniani në momentin kur Trump do të marrë edhe zyrtarisht detyrën si President i Shteteve të Bashkuara, do të testojë për herë të parë një raketë ballistike intekontinentale.
Madje të njëjta burime thonë se vendi komunist ka bërë gati dy raketa të tilla për testime dhe përgatitjet monitorohen nga anijet luftarake amerikane që ndodhen në Paqësorin Perëndimor prej disa ditësh.
Vetë Peniani as ka mohuar dhe as ka pohuar pretendime të tilla. Raketat ballistike interkontinentale janë raketa me rreze të gjatë veprimi. Ato mund të godasin objektiva në një distancë mbi 5.500 kilometra.
