Autoritetet e sigurisë në SHBA kanë marrë masa për të parandaluar një sulm të madh me kamion, të ngjashëm si ato që vranë dhjetëra njerëz në Nisë, Francë dhe në Berlin vitin e kaluar, e që mund të ndodhë gjatë përurimit të Donald Trump si president.
“Washington’s Top News” raporton se drejtori i Shërbimit Sekret Joseph Clancy u shpreh: “Unë mendoj se njerëzit sot janë të gatshëm për të bërë gjëra që nuk ishin të gatshëm për t’i bërë në të kaluarën”, ka thënë Clancy.
“Ne e dimë se ky (rajoni i Washington-it) është shumë i targetuar nga terroristët. Është sulmuar në të kaluarën, historikisht”, tha Paul Abbate, një ndihmës drejtor ekzekutiv i FBI-së.
https://www.youtube.com/watch?v=c97VAuQWANk
“Ne, nga pikëpamja e FBI-së, jemi të gatshëm për t’iu kundërvënë sulmeve terroriste dhe jemi duke punuar me partnerët tanë në këtë drejtim”, tha Abbate.
Për të mbuluar të gjitha skenaret e mundshme, agjentët e Shërbimit Sekret kanë kryer ushtrime pa ndalesë trajnimi dhe kanë qëndruar me orë të gjata duke studiuar sulme terroriste dhe taktika nga e gjithë bota.
Madje ata janë stërvitur për të parandaluar që sulme si në Nicë dhe Berlin të shmanget gjatë inagurimit të Trumpit.
Përshtati: BoldNews