Ish-deputeti Lefter Maliqi ironizon Lulzim Bashën dhe aktivitetin që po mbahet sot te Pallati i Kongreseve.
Ai shkruan në FB se Basha nuk arriti të mbledhë as 2 mijë veta, edhe prej 8 vitesh është kryetar i opozitës, si dhe ka qenë 8 vjet ministër e kryetar bashkie.
Maliqi thotë se ai i vetëm arriti të mbledhë 4 mijë veta për të pritur Lulzim Bashën në fshatin Lapardha në Berat.
“Skandal! Ish-Kryetari Basha megjithëse 8 vjet Ministër e Kryetar Bashkie + 8 vjet Kryetar PD-je nuk mbledh dot as 2000 veta në anti-Kuvendin në Pallatin e Kongreseve, dhe pritej! Ndërkohë që në 2011, unë i vetëm mbledh për mosmirënjohësin dhe besë-prerin Lul, mbi 4000 veta vetëm në një fshat, në Lapardha, Berat. Shihni videon si i zhgenjeu më pas dhe i preu në besë ata dhe mua ky peng dhe shkaterrues i PD-së. Luli ik se e ke vulosur me kohë deshtimin. Referendumi sot të dha goditjen ballore ty si dështak, mosmirënjohës, peng e besë-prerë duke i hapur kështu rrugën shpresës, ringritjes, bashkimit dhe njësimit drejt fitores së sigurt kundra narko-shtetit”, shkruan Maliqi në një postim në rrjetet sociale.
