Komisioni i Rithemelimit të Partisë Demokratike ka udhëzuar shtyrjen e orarit të votimit në referendumin për shkarkimin e Bashës si kryetar i PD-së, pasi njofton se ka ende fluks anëtarësh që duan të votojnë.
Orari i votimit është shtyrë deri në orën 18:00 në Lushnje.
Mësohet se votimi është shtyrë gjithashtu në qarkun e Elbasanit.
Shtyhet votimi në Delvinë pasi ka ende anëtarë që kanë qenë në punë. Shtyrja deri në orën 18:00.
Burime bëjnë me dije se në Lazarat ka fluks votimesh, për këtë arsye votimi është shtyrë deri në orën 18:00.
Votimi është shtyrë edhe në Sarandë deri në orën 18:00.
Në Tepelenë ka mbaruar votimi. Votuan 154 demokratë ose 61.3||% e tyre. Pritet të fillojë numërimi i votave.
Në qarkun e Pogradecit është mbyllur procesi i votimit, ndërkohë që është shtyrë në Maliq, Devoll dhe Korçë deri në orën 18:00.
Në Kolonjë është mbyllur votimi, nga 700 anëtarë kanë votuar 404.
Në Fier, vetëm në dy qendrat e votimit të qytetit kanë votuar 1300 anëtarë. Pjesëmarrja deri tani 75%.
Në Patos nga 1100 anëtarë, kanë votuar 630.
Në Roskovec nga 550 anëtarë, kanë votuar 390.
Votimi është mbyllur edhe në Divjakë. 365 anëtarë të PD për këtë bashki kanë ushtruar të drejtën e votës për referendum.
