Deputetja Flutura Açka dha mesazhin e saj në ‘Kuvendin’ e PD, duke e nisur me kaosin e krijuara me lëvizjet e Sali Berishës dhe duke e mbyllur me një thirrje për Lulzim Bashën.
Açka u tregua e ashpër me Berishën, teksa u shpreh se “Ata kanë të drejtën e tyre që PD të përmirësohet, apo edhe të kërkojnë dorëheqjen e Bashës, por nuk zgjodhën rrugën demokratike. Ata e sollën PD në një tranzicion të ri, që jemi të detyruar ti japim fund sot”.
Ndërkohë, në fund të fjalës së saj, deputetja iu drejtua Bashës, duke i kërkuar që të heqë klishenë e krijuar se një politikan hyn i mirë në politikë dhe del i keq, dhe të japë shembullin e kundërt.
