Lulzim Basha, i shkarkuar nga Kuvendi i 11 dhjetorit, dhe që anëtarësia e PD po voton për të ratifikuar pikërisht këtë vendim, në një takim në Pallatin e Kongreseve, të cilin po e trajton si Kuvendin legjitim të demokratëve, u shpreh se sot nuk jemi mbledhur për ti rrahur shpatullat njëri-tjetrit, por për të marrë vendimet që presin shqiptarët. Basha tha se sot do të zgjedhim atë që është thelbi i të nesërmes.
“Ne jemi PD e Shqipërisë, me sukseset dhe dështimet tona”, iu drejtua Basha të pranishmëve, duke shtuar se si do të jetë Partia Demokratike sot, do të jetë Shqipëria nesër.
Basha tha se ne do të jemi partia më e pastër në përbërjen e saj.
“Nuk do të lejojmë që në strukturat drejtuese tona të jenë ata që turpërojnë shqiptarët, nuk do të kemi asnjë personazh që ka lidhje me regjimin diktatorial. Nuk do të lejojmë njerëzit e inkriminuar në strukturat tona drejtuese, të çfarëdo krimi të kryer në këto 30 vjet. Ne zgjedhim të ardhmen sot, nuk do të lejojmë në strukturat tona drejtuese, njerëz që cënojnë qëndrimin tonë pro-perëndimor”, tha Basha.
Sipas tij, gjithashtu nuk do të lejohen njerëz që cënojnë lirinë e votës. “Nuk do të lejojmë në strukturat tona njerëz që në emër të sovranizmit i kundërvihen qëndrimeve tona pro-perëndimore, apo lidhjeve oligarkike”, tha Basha.
“Që ne të bëhemi bindës për shqiptarët, që ne të rikthejm besimin e shqiptarëve tek Partia Demorkatike, duhet të guxojmë tu themi atyre se “si do jetë PD sot, do të jetë Shqipëria nesër”.
Ky është një akt i madh i guximshëm, pasi do të na duhet ta provojmë sot se cfarë do Shqipëria.
Dhe ne do tua provojmë. Do të jemi partia më e pastër në Shqipëri në përbërje të saj, duke mos lejuar në rradhët tona dhe në ekipet drejtuese të PD, njerëz që turpërojnë shoqërinë shqiptare. Dhe duhet të biem dakord sot për këtë standart I cili do të përfshijë këto kategori.
Nuk do të lejojmë në stukturat drejtuese të PD njerëz që kanë lidhje me historinë e dhimbshme të shqiptarëve që ka qenë diktatura komuniste. Historia e genocidit komunist në Shqipëri, nuk do gjejë kurrë jo vetëm asnjë avokat, por asnjë personazh që ka lidhje me atë regjim dhe atë parti. Si do të jetë PD sot do jetë Shqipëria nesër.
Nuk do të lejojmë në strukturat drejtuese të PD, njerëz të inkriminuar, në cfarëdo veprimtari kriminale gjatë këtyre tridhjetë viteve, që janë bërë objekt i dënimeve penale, për krime ndaj qënieve njerëzore, krime ekonomie, vepra penale apo përfshirje në organziata kriminale. Dhe këto jo vetëm për që do bëhen të zgjedhurit e popullit shqiptar por dhe të zgjedhurit brenda PD. Si do të jetë PD sot do jetë Shqipëria nesër.
Nuk do të lejojmë në strukturat drejtuese të PD, njerëz që cenojnë orientimin perëndimor të SHqipërisë, devijime populiste dhe nacionizma të verbër që synojnë destabilizim të rajonit dhe krijojnë pasiguri për të ardhmen e Shqipërisë. PD duhet të jetë garancia e shqiptarve që do të jetojnë në një vend me sytë mendjen dhe trupin në Perëndim. Si do tëj jetë PD sot do jetë Shqipëria nesër”, tha ai.
