Ngjela godet sërish: Në Shqipëri kanë ardhur 1800 ushtarë rusë në ndihmë të Saliut. Në selinë e PD ka shenja të superfuqisë

Zëdhënësi i FBI-së, i Departamentit të Shtetit, por edhe i SPAK-ut, të ndërtuar rishtaz në Shqipëri, avokat Spartak Ngjela, ka shpërthyer duke bërë një deklaratë të paimagjinueshme në historinë e Shqipërisë.

-Sipas të  dhënave të mia, në Shqipëri janë edhe 1800 ushtarakë rusë në ndihmë të Saliut. Me këto forca ai mendonte të merrte selinë, por brenda selisë ishin shenjat e superfuqisë dhe nuk e mori dot PD-në.

Në këtë shpërthim, avokati i ditur i bën thirrje SPAK-ut, që të mos vonohet, sepse forcën e superfuqisë, nuk e ka parë vetëm Saliu.

1. Për t’u ndriçuar edhe më tej, me analizat e vyera të avokatit të ndritur, ju lutemi lexojeni shënimin e tij të plotë!

SPARTAK NGJELA – FAQJA ZYRTARE

Pse e la Berisha fushëbetejën dje dhe iku nga selia e Partisë Demokratike me bisht ndën shalë?

Pse  nuk i  mori dot zyrtarët e Partisë Demokratike me dhunë, pasi hyri brenda Selisë për t’i marrë ato? Ai kështu na kishte thënë.

Saliu ishte shumë i gëzuar kur hyri për të marrë selinë e Partisë Demokratike, por pse iku gjithë frikë?

E dini pse?

Sepse aty brenda pa shenjat e superfuqisë.

Po tani që i pa këto shenja, çfarë do të bëje Saliu?

Asgjë më. Aty e kishte Selinë, pse nuk e mori?

Sipas të  dhënave të mia, në Shqipëri janë edhe 1800 ushtarakë rusë në ndihmë të Saliut, pse nuk e mori Selinë?

E thamë: ai iku i trembur, sepse pa aty brenda shenjat e superfuqisë.

Ke humbur Sali; kurse  Basha të akuzoi për krimet që ke kryer. Më mirë vonë, se kurrë!

Po Basha, që e akuzoi Saliun kaq vonë, e kishte të vetin këtë akt, apo ia kërkoi superfuqia?

Këtë duhet ta dijë Saliu më mirë, sepse ai iku nga fushëbeteja me bisht ndën shalë.

Po SPAK-u, a i ka denoncuar krimet që përmendi Basha?

Sigurisht që i ka denoncuar ato, por edhe krime të tjera më të rënda.

Por, a do ta nisë SPAK-u procesin penal kundër Saliut?

Kjo pritet për t’u parë. Por SPAK-u nuk duhet të vonohet, se forcën e superfuqisë nuk e ka parë vetëm Saliu.

Të shohim këto ditë sesi do të vijonë ngjarjet, por SPAK-u është ngritur për të shpëtuar shqiptarët nga krimi organizuar dhe nga korrupsioni shtetëror i lidhur me të. Do të dalë dot SPAK-u nga kjo kërkesë dhe nga ky motiv historik?