Kryeministri Edi Rama sulmoi ish-kryeministrin Sali Berisha në fjalimin e mbajtur para ambasadorëve mbrëmjen e djeshme.
“Figurat më të dyshimta të së shkuarës, gjejnë ende guximin të bëjnë kërcënime groteske me sfurqe apo rikthime në skenë, në emër të sovranitetit, dinjitetit, pastërtisë”, u shpreh Rama.
Kreu i qeverisë tha po ashtu se “kemi bërë më shumë në tetë vjet se sa në dekada të tëra”.
Ai shtoi se “kemi vullnet politik” për të luftuar korrupsionin.
Mbrëmjen e djeshme, Rama organizoi një darkë me ambasadorët e akredituar në vendin tonë. Gostia për ambasadorët u shtrua në resortin e biznesmenit Gjergj Luca në Elbasan.
