Gazetari dhe analisti Ylli Rakipi thotë se 6 ambasadorët që shkuan në selinë e Partisë Demokratike të martën, u thirrën nga kryedemokrati Lulzim Basha.
I ftuar në emisionin Opinion në Tv Klan, Rakipi shprehet se ka qenë vetë Basha që kërkoi të takohej me ambasadorët.
“Ambasadorët kanë shkuar atje me kërkesën e kryetarit të PD. Kjo nuk do të thotë që ata janë të shqetësuar me problemin që i ka ndodhur një ditë më parë. Nëse është kështu do të ishte e kundërta. Ambasadorët do kërkonin të shkonin atje”, tha Ylli Rakipi.
Ky i fundit ka treguar, duke iu referuar burimeve diplomatike, se ambasadorët e pyetën Lulzim Bashën nëse ka mbështetje në parti.
“E kanë pyetur ke mbështeteje në PD? Ai ka thënë ndjej që kam 95%. Ç’na ke thirrur ne, me 95% mund ta marrësh Sali Berishën zvarrë”, është shprehur Rakipi.
