Prokuroria e Posaçme Kundër Korrupsionit dhe Krimit të Organizuar ka mbyllur hetimet për 28 personat e arrestuar dhe proceduar në kuadër të operacionit të koduar “shpirti”.
Të gjithë këta persona u proceduan dhe u arrestuan në kuadër të një hetimi antidrogë italo-shqiptar disavjeçar, rezultatet e të cilit u komunikuan nga SPAK gjatë në atë kohë në një konference të përbashkët për shtyp me autoritetet e prokurorisë italiane më 2 korrik.
Për këtë dosje të pandehur u morën të pandehur edhe prokurori i Vlorës Maksim Sota, të cilin Spak e mori të pandehur për shpërdorim detyre ish shefi i antitrafiqeve Ilirjan Balla si dhe dy ish badigardët e Tahirit, Agustin Deda dhe Hekuran Marku, njëri i arrestuar në Francë de tjetri në Gjermani. Për këto dy të fundit rëndon akuza e trafikut të drogës.
Në fillim të muajit korrik 2021, SPAK njoftonte zyrtarsht se nga hetimet, në bashkëpunim me autoritetet e antimafias italiane, rezulton se grupet kriminale kanë trafikuar të paktën 6 tonë drogë përgjatë viteve 2014-2017 nga Shqipëria drejt Italisë.
Hekuran Marku dhe Agustin Deda, ish truporoja të Tahirit sipas prokurorisë speciale kanë patur rol aktiv në trafikun e drogës. Pjesë e këtij rrjeti, është edhe ish zëvendës drejtori I policisë së Vlorës, Ilirjan Balla, aktualisht në policinë e shtetit, si dhe Festim lelaj, i dënuar me herët për trafik droge, si dhe Artur Krasniqi, në policinë e Durrësit. Me kërkesë të SPAK, gjykata ka dërguar nën masën e arrestit në shtëpi, Maksim Sotën, prokuror në Vlorë, ish kandidat për në prokurorinë e posacme, i cili dyshohet për shpërdorinm detyre.
“Në veçanti, masat e sigurisë personale janë ekzekutuar, (përveç 10 shtetasve që janë arrestuar më parë në kuadër të operacionit Kulmi) edhe per një administrator publik (drejtor), nje prokuror, tre zyrtar të larte te policisë e dy punonjes te tjere policie, këta dy të fundit në kohën e kryerjes së veprave penale – në vitin 2016 – me detyrën e pjestarëve të grupit te shoqerimit të ish – Ministrit të Brendshëm. Zyrtarët publik, në disa raste pronarë të drogës, kanë garantuar, jo vetëm nga ana tokësore, por edhe detare në Shqipëri, që dërgimi i lëndës narkotike i destinuar në brigjet e Puglia-s të kryhej me siguri të plotë.”- thuhet në njoftimin e SPAK.
Ndërkohë janë sekuestruar në total 6 ton lëndë narkotike marijuanë, kokainë e hashash, 55 milion euro dhe një sasi totale prej 14 milion doza.
”Në tërësi, në kuadër të hetimeve të sipërpërmendura, janë sekuestruar rreth 6 (gjashtë) tonelata lëndë narkotike të tipit marijunë, kokainë e hashish, duke i hequr organizatave kriminale të ardhura të vlerësuara në mbi 55 milion euro, për një sasi totale prej rreth 14 milion dozash njëshe që dalin nga shpërndarja me pakicë.”- shkruan SPAK.
