Këngëtarja shqiptare Mimoza Selimi, në një intervistë nga Zvicra ku ajo jeton prej vitesh, ka zbuluar për herë të parë pse vendosi të largohet nga Shqipëria.
Mimoza Selimi ka rrëfyer sakrificat që ajo ka bërë kur punonte si moderatore në televizion për të ardhur nga Lezha në Tiranë.
“Më ka ndodhur të hipi nëpër kamionë që të vija herët në redaksi. Jam sulmuar. Haptazi thonin se nuk kishte Tirana goca këtu, po na sollën këtë maloken?
Më hoqën nga RTSH se këndoja në fushatë me PD. Ishte një preteks i artë për personat që punoja dhe e shfrytëzuan për të më larguar. Kur nuk bëhesh pjesë e kompromiseve dhe klaneve, dyrt mbyllen”, tha Selimi e cila sot punon në Universitetin e Kulturës në Gjenevë.
