Këngëtari Altin Sulku ka rrëfyer për moderatoren Ester Bylyku në emisionin ‘Glamour Zone’, një episod që ka ndodhur disa vite më parë në Gjermani me një taksist.
Pasi Altini theksoi se Noziy është një djalë i mirë dhe me zemër të madhe, ai tha:
“Mbaj mend ishim njëherë në Gjermani në një koncert, unë Noizy, Dj dhe dhëndri i tij. Në aeroport shkuam tek një taksist, flokët i kishte si me bajga, i vinte një erë tmerr. Sa hap derën them ‘këtu qenka një tmerr’. Noizy u ul në vend të parë, ne të tre mbrapa. Taksisti kishte një erë që nuk rrihej në makinë. Unë ngacmoj pak dhe i them ‘Parfum Super’. Djemtë mbrapa filluan të qeshnin me mua, ndërsa Noizy ktheu kokën dhe tha: ‘Ju lutem, mos jepni asnjë shenjë, se mund të ndihet keq ky.’ Ai aq djalë i mirë është, sa taksisti desh na mbyti me atë erë, dhe Noizy prap mendonte si të mos e lëndonte.”
