Një 20-vjeçar ka humbur jetën në Itali në mënyrë aksidentale. Ngjarja ka ndodhur në Toano, në Apenine në Itali, kur automjeti që udhëtonte 20 vjeçari u përfshi në një aksident.
Ai arriti të dalë nga makina, por fatkeqësisht ka rënë në një pus me thellësi 4 metra, ku edhe humbi jetën.
Mediat italiane raportojnë se viktima u gjet i mbytur, ndërsa trupi i pajetë u nxorr nga njësitet zjarrfikëse që ndërhynë nga Castelnovo.
Ndërkohë karabinierët e Toanos po hetojnë në disa pista, por hipoteza e parë është që makina duke dalë nga rruga ka dëmtuar kapakun që mbulon pusin.
