Një 59-vjeçar ka humbur jetën ditën e sotme në Librazhd pasi ka rënë në kontakt me rrymën elektrike.
Bëhet me dije se ngjarja e rëndë ka ndodhur rreth orës 10:30, në fshatin Dardhë, ku burri me iniciale R. Q., është gjetur i pajetë pranë banesës së tij.
Nga të dhënat e para, dyshohet se ai ka ndërruar jetë si pasojë e pakujdesisë, pasi duke pastruar tubin e mbledhjes së ujërave të shiut nga çatia e shtëpisë , shufra metalike që përdorte për të zhbllokuar tubin ka rënë në kontakt me telat elektrik që furnizonin banesën e tij me energji elektrike dhe për pasojë e ka zënë korrenti.
Ndëekohë po punohet për zbardhjen e rrethanave të ngjarjes.
