Vijojnë reagimet lidhur me emrat e lexuar pasditen e sotme nga Zëdhënësja e PD, Ina Zhupa, lidhur me delegatët që mbështesin Kuvendin Kombëtar të PD në 18 dhjetor.
Ndërsa u tha se janë mbi 5200 delegatë që kanë plotësuar formularët për 18 dhjetorin, shifër kjo pothuajse e njëjtë me atë të delegatëve që kanë firmosur për Kuvendin e 11 dhjetorit, ka pasur reagime nga degë të ndryshme të Partisë Demokratike apo delegatë, që kanë mohuar se kanë firmosur formularët.
Reagimi i fundit ka ardhur nga Rrogozhina, madje duke publikuar edhe listën me emrat e delegatëve, ku në total janë 29 të tillë, nga të cilët 20 mbështesin Kuvendin e thirrur në 11 dhjetor, 6 janë kundra dhe 3 ndodhen jashtë vendit.
