Anëtari i Këshillit Kombëtar të PD-së, Xhuljano Guçe ka refuzuar faktin se ka firmosur për kuvendin e 18 dhjetorit.
Në një lidhje direkte në SYRI TV, Guçe është shprehur nuk ka firmosur dhe se numri i tij i ID-së është i kundërt me atë që ishte shënuar në formularin e bërë publik nga Gazment Bardhi.
“Unë kam firmosur vetëm 1 formular, atë të 11 dhjetorit, ai që do të mblidhet nga demokratët. Unë e mora vesh nga rrjetet sociale”, është shprehur Guçe për SYRI TV.
Gjatë bisedës, Xhuljano Guçe ka lexuar edhe numrin e tij të ID-së, i cili ishte ndryshe nga ai që ishte i shënuar në formularin e bërë publik nga Gazment Bardhi.
