Sherri mes demokratëve ka vijuar në studio. Salianji dhe Ristani kanë debatuar ashpër, madje debati i tyre ka agravuar në fjalë fyese. Ndonëse Gjekmarkaj u munda të qetësonte situatën me një ndërhyrje, kjo nuk mjaftoi.
Gjekmarkaj: PD është në krizë. Mua më shqetëson edhe ky debat që ndodh këtu në studio. Sali Berisha është politikanë strategjik dhe inteligjent, dhe e di shumë mirë strategjinë e Amerikës. E patë foltoren e fundit me SHBA-në. U shpallën 18 serbë non grata. Pse e tha Yuri Kim këtë? Kjo ishte përgjigje indirekte. Pra duhet t’i lexojmë gjërat siç janë. Unë nuk shaj as Sali Berishën dhe as Arben Ristanin. Qeveria mund të bëjë ç’të dojë tani, kur ka përballë një debat kaq të fortë në PD. Unë nuk e di çfarë dinë SHBA-të. Por për pragmatizëm politikë i bie që t’i nuk duhet të ekspozosh partinë.
Ristani: Konflikti nuk është Basha dhe Berisha, por PD që ka nevojë të çlirohet nga autokracia. Ne nuk u kujtuam tani, por më herët dhe kemi folur. Basha u merr para ish-kryetarëve të komunave për t’u bërë fëmijët deputet. Ai i çon demokratët të mblidhen dhe të riformulojnë Partinë Demokratike.
Salianji: Pse nuk janë thënë të gjitha akuzat që sot dalin për Bashën para 9 shtatorit.
Zotëria që mbron sot foltoren është avokat i familjarëve të Enver Hoxhës. Ti sjell sot njerëz këtu për të cilin kanë thënë se kanë dhënë para për të qenë sekretar dhe kryetar grupi. Unë kam mbajtur qëndrime publike. Nuk kam hyrë në politikë për t’u pasuruar dhe as për t’u marrë demokratëve gjithë sakrificën. Kjo, sot është më e mira që po i ndodh partisë. Ajo duhet ta shohë të vërtetën në sy. Këta njerëz e kanë bërë baltë. I humbëm zgjedhjet, se ish -ministra dhe ish -drejtor, 8 vjet këmbenin vendin njëri me tjetrin. Njerëz që i morën frymën. Të gjithë, që sot janë në foltore kanë qenë njerëz që e kanë nxitur Bashën për lënien e mandateve.
Ristani: O shpifarak
Salianji: Mos më thuaj mua shpifarak se të vij aty dhe ta fus një që……
Nuk je duke pirë raki këtu.
Je përgjegjësi kryesor për shkatërrimin e PD.
Gjithë kryetarët e degëve që fituan një anëtarë një votë i hoqët, prandaj të larguan nga Vlora. Këtu të kanë sjellë se je i foltores, se me mua nuk takohesh dot ti. Llapa të ka mbet aty brenda dhe unë ta fus aty ku do t’i. Por, është puna e kësaj zonje që sjell në studio njerëz që nuk përfaqësojnë asgjë.
