Deputeti Dashamir Shehi u shpreh mbrëmjen e sotme në “Opinion” se si Sali Berisha ashtu edhe Lulzim Basha duhet të largohen nga Partia Demokratike.
Shehi tha se kjo është zgjidhja më e mirë dhe do të ishte një shenjë progresi politik.
“Z.Basha duhej të ishte larguar sepse humbi. Rikthimi i z. Berisha nuk është gjë e mirë”, tha Shehi.
Sipas tij, po të jetë për zgjedhje brenda PD-së, z. Berisha fiton ndaj z. Basha, ka popullin me vete.
“Po të jetë se kush fiton mes të dyve, padiskutim z. Berisha. Ai ka më shumë armë, ka popullin, ka militantët. Ndërsa Basha çfarë do të mbajë, vulën? Njëri do ketë anëtarët, tjetri vulën, po ne ku do shkojmë?”, tha Shehi.
