Opinonistja kryesore e “Big Brother VIP’, Balina Bodinaku, mungoi në dy speklatkle për shkak të gjendjes së saj shëndetësore. Ajo u zëvendësua nga gazetarja Sonila Meço edhe në një prej puntatave më të tensionuara ku u fol për trekëndëshin e bujshëm të dashurisë Donald-Bora-Beatrix.
Menjëherë pas speklaklit, Balina tha në një videolive në Instagram se produksioni dhe opinionistët e trajtuan çështjen e Donaldit si një gjyq moralist.
E ftuar në “Wake up”, Sonila Meço tha se është qëllimi i saj si gazetare ka qenë gjithmonë që të nxisë debat, të hapë një diskutim, të zgjojë një këndvështrim dhe se kjo nuk është gjë e re.
“U konsiderua se ne bëmë gjyq publik. E para, nuk ka ne në atë program, mua as Arbana as produksioni nuk më instruktoi se ç’qëndrim duhet të mbaj. Edhe me Arbrin, jam takuar për herë të parë të martën, për herë të dytë të premten”- tha ajo.
E pyetur nëse ishte e paramenduar, Sonila tha: “Është krejtësisht naive, për dikë që nuk njeh Sonilën, nuk njeh televizionin.
Unë jam mendimin tim, nuk gjykoj dhe paragjykoj, se do dilja jashtë kontureve dhe imazhit tim. Unë nuk i gjykoj për sinqeritet, por për hierarkinë e vlerave që përfaqësojnë”.
