Akademiku Artan Fuga përmes një postimi në rrjetet sociale, shkruan se më 8 dhjetor 1990, në mëngjes, gazeta “Zëri i PopullitÄ shkruante se “roli udhëheqës i partisë nuk mbrohet me anë të ligjit…”. Kjo sipas tij, ishte një rrugë e hapur publikisht, para çdo gjykatësi gjithkush mund të mbrohej: Dënoni Zërin e Popullit, jo mua që kërkoj pluralizëm politik !!!
Postimi nga Artan Fuga
Pa mohuar asgjë, duke njohur thellësisht se populli nuk e duronte rregjimin e kalbur diktatorial, duke ditur se ai pushtet pa mobilizimin qytetar nuk ikte vetiu, por thjesht për hir të faktit historik, duhet ditur se :
në mëngjesin e nisjes të lëvizjes studentore, gazeta Zëri i Popullit në kryeartikullin e vet, shprehej se roli udhëheqës i partisë nuk mbrohet me anë të ligjit… Dhe vazhdonte pastaj bla bla bla -të e tjera!
Rruga ishte hapur publikisht në mëngjes, para çdo gjykatësi gjithkush mund të mbrohej: Dënoni Zërin e Popullit, jo mua që kërkoj pluralizëm politik !!!
Hapur shtegu jo me hir, por me pahir.
Se përse, si, qysh, për këto mund të diskutohet, por histori shumë e gjatë për ta treguar këtu, por unë sigurisht e di, bën pjesë në studimet e mia!
