Kryetari i PD-së, Lulzim Basha deklaroi këtë të Mërkurë në aktivitetin për Ditën e Rinisë organizuar nga PD, se 31 vite pas 8 Dhjetorit 1900-ës, vendi ndodhet në një regjim.
Basha deklaroi se vijon ende kulti i individit, për të cilin tha se për fat të keq ende vijon. Sipas Bashës, vijon në PS, por edhe brenda Partisë Demokratike.
“Sot është dhe dita për kërkuar falje, sepse 31 vjet më vonë ndodhemi në kushtet e një regjimi që shumë ka të përbashkëta me diktuarën dhe produktet e diktaturës. Të përbashkët me diktaturën ka ADN-në”, u shpreh Basha.
Kryetari i PD-së shtoi se “shkulëm komunizmin, por jo mentalitetin komunist: vënies dorë në zgjedhje, linçimin, të mendimit ndryshe, të atakimit të opozitarit si armik, të goditjes së lirisë së shtypit, të favorizimit të klientëve dhe nganjëherë dhe oligarkëve”. Për këtë, ai tha se kërkon falje si kryetar i PD-së.
Basha u shpreh se PD është e fortë dhe do dijë të qëndrojnë e fortë dhe e bashkuar. “Kemi një mision: liri demokrati, Shqipëri si gjithë Europa. E kemi marrë nga dhjetoristët dhe nuk e dorëzojmë derisa ta bëjmë realitet”, përfundoi.
