Prej disa ditësh efektivët e policisë po i nënshtrohen testeve të drogës, ndërsa ata që rezultojnë përdorues, largohen nga detyrat, bazuar në urdhërin e Drejtorit të Përgjithshëm të Policisë së Shtetit, Gledis Nano.
Por ajo që po ndodh duket se ka vënë në dyshim të gjithë procesin, pasi në testin e parë një pjesë e punonjësve kanë rezultuar si përdorues, ndërsa pas testit të dytë të pastër.
Me analizat e dyta në duar, ata kanë kërkuar rikthimin në detyrë ndërkohë që mësohet se kanë nisur bisedimet me strukturat e policisë për gjetjen e një zgjidhje.
Ky precedent ka vendosur në pikëpyetje gjithë procesin pasi efektivat e policisë në të gjitha qarqet janë duke kundërshtuar rezultatet e testimit duke kërkuar përsëritjen e tyre.
Nga raportimet, të paktën 51 efektivë në të gjithë vendin, deri në këtë fazë kanë rezultuar pozitiv më testin e drogës të kryer pas urdhrit të Gledis Nanos.
Në drejtorinë e Vlorës dhe të Sarandës këtë të martë u shënuan 18 raste e ndërsa drejtoritë e tjera të vendit ende nuk janë nënshtruar testit.
