Prej mbrëmjes të së dielës, 5 dhjetor vendi ynë është përfshirë nga moti i keq dhe reshje të dendura shiu e dëborë në zonat malore.
Nga autoritetet bëhet me dije se të gjitha akset e DRV nuk kanë probleme me qarkullimin. Ka vetëm rënie inertesh të cilat po pastrohen nga kontraktoret.
Ka patur reshje shiu te shumta në të gjitha akset. Segmenti Q.Thore- Bogë është vështirësisht i kalueshëm për mjete të renda dhe bëhet vetëm me zinxhirë.
Situata në të gjitha akset nacionale të Qarkut në juridiksion të kësaj Drejtorie është nën monitorimin e AV.
Ne bashkinë Shkodër nuk raportohen probleme, ndërkohë në segmentin Prekal- Shosh- Shale e cila ka prezence dëbore po punohet nga strukturat e bashkisë me nënkontraktorët për ta mbajtur nën kontroll për kalueshmerinë e mjeteve.
Në bashkinë Pukë nuk ka probleme.
Në bashkinë Vau Dejës raportohen përmbytje tokash bujqësore në Njësinë Administrative Bushat. Ndërsa në Njësinë Administrative Hajmel nuk ka energji elektrike dhe në disa fshatra të Njësisë Administrative Vau-Dejës ka shkëeputje të energjisë elektrike.
Ne bashkinë Malësi e Madhe nuk ka probleme te veçanta, shqetësim është mungesa e energjisë elektrike kryesisht në NJA Kastrat, Kelmend e Gruemire.
Qafa Berdolecit është e kalueshme por vazhdon të ketë reshje te dendura bore.
Shqetësim është edhe përroi i Rrjollit në fshatin Kçar i poshtëm.
Në Lezhë, nga reshjet e shiut ne argjinaturat e mbrojtjes nga vërshimi ujërave deri tani nuk janë konstatuar probleme.
Në bashkinë Fushë-Arrëz vazhdojnë reshjet e shiut, deri tani nuk ka informacione për dëme të shkaktuara. Ka probleme me furnizimin e energjisë elektirke në njësinë administrative administrative Iballe, Qafe-Mali , Blerim e ne disa fshat Fierze.
Parashikimet e IGEUM për ditën e sotme deri nesër janë për intensitet reshjesh të shiut në të gjithë territorin dhe dëborës mbi lartësitë 500m, kryesisht ne zonat malorë të territorit.
