Qyteti i Durrësit është zgjuar me rrebeshe shiu këtë mëngjes. Shirat e vrullshëm kanë rënë gjate gjithë natës me ndërprerje të herë pas hershme. Edhe gjatë orëve të mëngjesit ka pasur shira të vrullshëm në qytet dhe në zonat rurale.
Në disa vende konstatohet nga banorët fryrje e shtretërve të lumenjve Ishëm dhe Erzen kryesisht në afërsi të grykëderdhjeve.
Edhe Lezha është përfshirë nga reshjet e dendura të shiut që prej mbrëmjes të së Dielës, të cilat kanë nisur të krijojnë problemet e para.
Në disa zona te qytetit ka prezencë uji, duke vështirësuar lëvizjen e këmbësorëve. Gjithashtu ka shtim te prurjeve në lumenjtë Drin dhe Mat. Moti i keq ka sjellë probleme dhe në furnizimin me energji elektrike në fshatra, ku sipas raportimeve janë në errësirë prej mbrëmjes së kaluar.
