Një 28-vjeçar është vënë në pranga dhe është dënuar me 15 vite e gjysëm burg për trafikimin e drogës dhe pasurisë së vënë nëpërmjet aktiviteteve të jashtëligjshme.
Mansoor Kiani nga Luton nxirrte pasurinë e tij në rrjete sociale duke shitur heroinë dhe kokainë e duke derdhur shampanjë mbi orët Rolex në një klub nate në Londër, si dhe disa video ku shfaqej duke bërë xhiro me Ferrarri.
Kiani u përpoq të fshihte aktivitetet e tij të trafikut të drogës duke përdorur një sistem komunikimi telefonik të koduar të quajtur EncroChat.
Ai u arrestua në vitin 2020 dhe mesazhet në sistemin e koduar ndihmuan policinë të zbulonte bisedat mes tij dhe të tjerëve për shpërndarjen e drogës.
“Pasuria e pashpjegueshme dhe sendet e shtrenjta të blera me para në dorë janë tregues kyç se dikush mund të jetë i përfshirë në krimin e organizuar. Ju mund të na ndihmoni t’i kapim këta njerëz duke folur dhe raportuar çdo shqetësim”– tha detektivi Tom Stean.
