Drejtori i Policisë së Shtetit, Gledis Nano, ka paralajmëruar sot largimin e të gjithë efektivëve, të cilët kanë rezultuar përdorues droge pas testimit.
Po ashtu do të kryhet testi dhe në datën 20 dhjetor për të gjithë drejtuesit e automjeteve.
Kujtojmë se rreth 200 punonjës të Policisë së Shtetit i janë nënshtruar testit të drogës në 48 orë, nga firmosja e urdhri nga drejtori i Përgjithshëm i Policisë së Shtetit, Gledis Nano në nëntor të këtij viti.
Të parët që i janë nënshtruar kanë qenë nga Drejtoria Vendore e Policisë në Tiranë, Elbasan dhe Shkodër.
Testi i drogës bëhet për të provuar nëse efektivi i Policisë, ka konsumuar ose jo lëndë narkotike të llojit kanabis apo kokainë në muajt e fundit.
Ndalimi i përdorimit të lëndëve narkotike parashikohet edhe në Kodin Rrugor, por deri tani kontrollet kryhen vetëm kur ka raste të dyshimta për përdorim.
