Deklarata e Beatrix Ramosaj dhe Donald Veshaj se kanë një pëlqim për njëri-tjetrin dhe po nisin një histori të re së bashku ka nxitur reagime të ashpra në rrjet. Kjo vjen pas historisë që aktori kishte me moderatoren Bora Zemani të cilës i premtoi se do dilte vetëm nga “BBV” dhe i kërkoi publikisht ta priste, e më pas i dhuroi edhe një puthje në buzë.
Mbrëmjen e djeshme, Donaldi reagoi i prekur kur mësoi se në fakt Bora po e priste, ndryshe nga ç’ka ai kishte menduar. Më pas, ai pranoi se kapitulli me moderatoren është i mbyllur ndërsa Beatrix nga ana tjetër, edhe pse i kërkoi falje Borës shtoi se ndjenjat e saj për aktorin nuk ndryshojnë.
Së fundmi, në rrjet po qarkullon një video ku shihet Bora dhe Beatrix teksa kërcejnë së bashku. Bora dhe vëllai i Beatrix-it, Albani kanë qenë dikur partnerë në spektaklin e kërcimit, Dance With me. Siç duket, dikur Bora dhe Beatrix kishin një raport të mirë.
