Një 19-vjeçare është dhunuar nga bashkëshorti i saj dhe vjehrri. Ngjarja ka ndodhur në Mat, ndërsa policia ka arrestuar dy burrat që u bënë bashkë për të dhunuar nusen e re.
“Nga Specialistët për Hetimin e Krimit në Komisariatin e Policisë Mat, u arrestuan në flagrancë shtetasit Driland Zida, 29 vjeç, dhe Bestar Zida, 57 vjeç, banues në Burrel, pasi në banesën e tyre në bashkëpunim me njëri tjetrin kanë ushtruar dhunë fizike ndaj 19-vjeçares, duke i shkaktuar dëmtime në trup”, njoftoi policia lokale këtë të Premte.
Materialet procedurale në ngarkim të shtetasve të lartëpërmendur i kaluan Prokurorisë pranë Gjykatës së Shkallës së Parë Mat për veprime të mëtejshme, shtuan të njëjtat burime.
