Ministrat e Jashtëm të NATO-s i bënë thirrje Rusisë të martën që të mos përshkallëzojë, duke paralajmëruar se ata qëndrojnë në solidaritet me Ukrainën.
Duke folur nga Riga e Letonisë, ku ministrat e jashtëm të NATO-s janë mbledhur për një samit, Sekretari i Përgjithshëm Jens Stoltenberg tha se grumbullimi i trupave dhe pajisjeve ushtarake ruse pranë kufirit ukrainas “është i paprovokuar dhe i pashpjegueshëm”.
“Ne shohim ndërtimin e ushtrisë ruse, shohim armaturë të rëndë, shohim drone dhe trupa të gatshme për luftim. Rusia duhet të jetë transparente dhe duhet të ulin tensionet dhe të mos përshkallëzojnë”, shtoi ai.
Stoltenberg theksoi se megjithëse Ukraina nuk është një aleat i NATO-s dhe për këtë arsye nuk bie nën Nenin 5 për Mbrojtjen Kolektive, ajo është “një partner shumë i vlerësuar”.
“Ne ofrojmë mbështetje, mbështetje politike, praktike. Aleatët ofrojnë trajnime, ngritje kapacitetesh, pajisje dhe jam absolutisht i sigurt se aleatët do të angazhohen dhe rikonfirmojnë mbështetjen e tyre të fortë për Ukrainën gjithashtu gjatë takimit të sotëm,” tha ai.
Ndërkohë, Kievi tha se situata përgjatë kufirit të saj dhe kriza e emigrantëve midis Bjellorusisë dhe BE-së janë të lidhura dhe se Rusia luan rol.
Përpara takimit të NATO-s, Sekretari Amerikan i Shtetit Antony Blinken tha se Uashingtoni është shumë i shqetësuar për lëvizjet përgjatë kufirit të Ukrainës.
Më herët Vladimir Putin paralajmëroi NATO-n se Rusia do të jetë e detyruar të reagojë, nëse shkel vijat e kuqe të vendosura prej saj në Ukrainë. Ai shtoi se Moska e sheh vendosjen e disa armatimeve perëndimore në tokën ukrainase si një shkak për reagim.
