Pronari i agjencisë së udhëtimit “Besa Trans”, Bekim Haxhiu, ka folur për herë të parë pas aksidentit të tragjik në autostradën “Struma” të Bullgarisë, ku humbën jetën 45 shqiptarë.
Në një intervistë për median bullgare BNT, Haxhiu tha se autobusi i ishte nënshtruar një kontrolli teknik para udhëtimit për në Turqi, ku ndodheshin personat që humbën jetën dhe sipas tij autobusi ishte në rregull.
Ai tha se shkoi në vendin e aksidentit dhe qëndroi për disa orë, ndërsa ka shtuar se autobusët kontrollohen para se të nisen por edhe pasi të mbërrijnë në destinacion.
“Thashë me vete: pse nuk isha edhe unë në atë autobus, të vdisja edhe në autobus. E kam menduar shumë herë këtë”, tha Haxhiu për “BNT”.
“Para se të nisemi për në Turqi, i bëjmë shërbim, i kontrollojmë, madje edhe kur mbërrijmë në Stamboll, ndërsa atje shkojmë për shërbim, transportim pasagjerësh, për të parë se si është situata. Gjithçka ishte mirë gjatë rrugës dhe kur ishim atje për shërbim. Kur ka diçka, na thonë ta rregullojmë menjëherë”.
“Në çdo autobus ka tuba, janë me ujë, çdo autobus duhet t’i ketë për çdo rast. Është ujë rezervë. Ka kontrolle të rrepta gjatë hyrjes në Bullgari, bagazhet, shoferi, gjithçka që transmetohet”, tha ai.
