Policia belge ka nxjerrë një foto të tre bombarduesve të dyshuar aeroportin Zaventem. Dy janë të veshur me rroba të zeza dhe sipas hetuesve mund të kenë vdekur në atentat, ndërsa i treti, me një xhaketë të çelët e një kapele në kokë deri tani është në kërkim. Dy nga kamikazët mbajnë vetëm një dorashkë në dorën e majtë. Sipas sitit La Libre Belgique, dorashkat iu kanë shërbyer për të fshehur detonatorët e bombave.
Çdo hapësirë në aeroportin e qytetit është e mbuluar nga 4 kamera të sigurisë.
Rrjeti i vëzhgimeve të stacionit Maelbeek, është gjithashtu duke u përdorur për ta gjetur momentin kur u vranë viktimat. Deri tani janë të paktën dy persona të arrestuar.
Britania dhe SHBA-ja janë duke luajtur një rol kyç duke i ndihmuar autoritetet belge t’i gjejnë fajtorët. Specialistët do të skanojnë numrat e celularëve, e-mail adresat, IP adresat dhe forumet e njohura që përdoren nga terroristët.
Këto tre burra janë të dyshuarit e policisë si përgjegjës për bombardimet në aeroportin e Brukselit. Njëri prej të dyshuarve është ende në arrati, raportuan sot zyrtarët vendas.
Treshja është kapur nga kamerat e sigurisë së aeroportit, në zonën e check-in para se bombardimet t’i merrnin jetën 14 personave.
Mediat belge raportojnë se dy burrat në të majtë janë vetëhedhur në erë, kurse i dyshuari i tretë, i veshur me një kapelë, besohet të ketë lënë një bombë në aeroport dhe të jetë larguar.
Një sulm i dytë me bombë në stacionin e metrosë në Maelbeek vrau 20 njerëz vetëm 79 minuta më vonë sulmit në aeroport.
ISIS mori përgjegjësinë për masakrat, të cilat vranë në total 34 persona dhe plagosen rreth 200 të tjerë.
(Boldnews)
