Një vit më parë lajmi i vdekjes së Diego Armando Maradona-s, një ndër futbollistëve më të mëdhenj të të gjitha kohërave, tronditi botën.
“Ajo që Diego ka bërë për futbollin, për të na bërë të gjithë të dashurohemi me këtë lojë të bukur, është unike”, tha presidenti i FIFA-s, Gianni Infantino në atë kohë.
Pas një viti nga vdekja e legjendës së futbollit, djali i tij, Diego Maradona Jr ka bërë një postim në rrjetet sociale duke e kujtuar të atin me fjalët më prekëse.
Ndër të tjera ai ka shkruar se i mungon shumë çdo moment i kaluar me babain e tij.
“Mund të zbresësh të paktën për një minutë, të përqafohemi, të qeshësh pak me mua … do të kisha kaq shumë gjëra për të të thënë, kaq shumë këngë për të kënduar së bashku dhe për të parë ndeshjet e Napolit. Fluturo lart sa të mundesh! Unë të dua dhe më mungon shumë!”, shkruan Maradona Jr.
