Këngëtarja me origjinë shqiptare, Bebe Rexha ndau një histori të hidhur me tabloidin britanik “The Sun”, duke treguar se gjatë kohës kur ishte duke punuar me një producent të njohur, emrin e të cilit nuk ka dashur ta zbulojë, është ngacmuar seksualisht prej tij, kur ajo ishte 19 vjeçe.
“Ai i bëri masazh këmbëve dhe shpinës time dhe kur më thërriste në celular më pyeste ‘Çfarë ke veshur tani?’”, tha Rexha për “The Sun”. “Por, ekipit tim të vjetër, nuk i ka interesuar fare kjo gjë pasi që ai ishte një producent i madh”.
“Në një moment kur unë isha në studio, u ndjeva sikur ishte shumë e rrezikshme, pasi ai ishte së bashku me të gjithë shokët e tij. I thashë se është një maskara dhe se më trajton në mënyrë të papërshtatshme. Dola jashtë, e mora veturën dhe thjeshtë kam ikur”, përfundoi ajo.
Rexha nuk është e para femër në botën e showbizz-it botëror që akuzon publikisht producentët meshkuj për ngacmime seksuale. Në tetor të vitit 2014, Kesha ka ngritur padi duke u ankuar se ajo ishte abuzuar seksualisht nga producenti Dr.Luke.
