Mesfushori Granit Xhaka ka deklaruar për podcastin “Mit Geredet” dëshirën e tij për të ardhmen në një klub tjetër. 30-vjeçari ka një kontratë me klubin anglez të Arsenalit deri në vitin 2023/2024 por ai nuk ka ndërmend të rinovojë me klubin e tij aktual.
“Kam ende dhe dy vite kontratë me Arsenalin. Kur të mbarojë kontratën do të jem 32 vjeç dhe dëshiroj shumë të rikthehem tek klubi gjerman i M’Gladbach. Nëse Eberl do të jetë i gatshëm të më hapë derën përsëri unë do të jem shumë i lumtur për t’u rikthyer”, ka deklaruar Xhaka.
