Artistja e njohur shqiptare, Hueyda El Sayed është ndarë papritur nga jeta në moshën 46-vjeçare. Ajo vuante nga kanceri i gjirit, betejën me të cilën nuk e ka fituar dot dhe ka mbyllur sytë përgjithmonë mëngjesin e sotëm në një spital në Francë.
Hueyda El Sayed i befasoi të gjithë në fillim të këtij viti kur preu flokët e saj kaçurrela që e karakterizonin. Madje ish-moderatorja u përball me kritika nga ndjekësit, të cilët i kërkonin të rriste sërish kaçurrelat e saj.
Në një reagim në rrjetet sociale, ajo u shpreh se nëse do të kishte një shkop magjik dhe do të kishte mundësinë të ndryshonte jetën apo pamjen fizike, s’do e fillonte nga flokët. Dhe duket se ky ndryshim në look lidhej pikërisht me sëmundjen e rëndë që vuante Hueyda El Sayed.
