Xhevahir Sukaj do të mbahet mend gjatë nga sportdashësit shqiptarë për kontributin e dhënë në kampionatin tonë.
Sulmuesi shkodran luajti për disa sezone edhe me Partizanin duke fituar menjëherë simpatinë e tifozëve të kuq. Ai ishte një nga ata që shënonte rregullisht në derbi duke u shndërruar në makthin e Tiranës.
E pikërisht sfida të tilla atij duken se i kanë mbetur në mendje dhe herë pas here i poston në rrjetet sociale.
Jo më larg se sot, Sukaj tregon një gol të shënuar kundër bardhebluve në ish-stadiumin “Qemal Stafa”. Siç duket edhe për shkodranin, Partizani mbetet një nga skuadrat më të rëndësishme të karrierës së tij.
