Florian Marku ka mposhtur francezin Jorick Luisetto, duke mbrojtur titullin kampion të kategorisë “IBF International” të cilën e siguroi në ndeshjen e tij të fundit, ndaj ukrainasit Maksim Prodan.
Boksieri nga Lushnja arriti të fitojë me vendim jurie pas 8 raundesh me rezultatin 78-76. Në raundin e parë boksieri ynë tregoi superioritet dhe shumë disiplinë.
Edhe në raundin e dytë është më lart Florian Marku teksa Luissetto përpiqet të mbrohet nga gjuajtjet e boksierit kuqezi që tenton t’i gjejë anën e dobët kundërshtarit për t’i dhënë goditje fatale.
Edhe në raundin e dytë është më lart Florian Marku teksa Luissetto përpiqet të mbrohet nga gjuajtjet e boksierit kuqezi që tenton t’i gjejë anën e dobët kundërshtarit për t’i dhënë goditje fatale.
Raundi i tretë bëhet më i luftuar nga të dy dhe nis të japë sinjale edhe rivali francez por mbrohet mirë Marku dhe largohet nga çdo situatë e vështirë.
Në raundin e katërt Marku jep një goditje shumë të mire nga poshtë ndaj rivalit por ky i fundit reziston e gjithsesi deri në këtë raund, Marku është dominues teksa raundi i pestë bëhet edhe më i nxehtë ku kampioni kuqez e provokon edhe hapur pa u mbrojtur rivalin.
Në raundin e gjashtë Marku nis t’i jape disa goditje ballore kundërshtarit francez teksa edhe ky i fundit bëhet i rrezikshëm në disa tentativa por gjithsesi duhej të zhvilloheshin 8 raundet e përcaktuara për të mësuar edhe fituesin.
Në fund juria, as që nuk kishte diskutim për të vendosur për fituesin që është ai, Florian Marku, boksieri kuqezi që vijon të na bëjë krenarë të gjithë tifozët shqiptarë në mbarë botën.
