Klodian Çalamani, autori i vrasjes së Mateos 8-vjeçar ndodhet prej mbrëmjes së djeshme në paraburgimin e Vlorës, ku u dërguar nën masa të rrepta sigurie.
Ai u transferua për të parandaluar një situatë tjetër të tensionuar.
Momentalisht, raportohet se ndodhet në izolim dhe pritet ti nënshtrohet një vlerësimi psikologjik.
Ngjarja e rëndë që solli reagime të shumta në opinionin publik ndodhi më 16 nëntor 2021, kur policia gjeti trupin e vrarë të 8-vjeçarit të groposur në oborrin e banesës së Klodian Çalamanit.
Ai ishte vrarë me kazmë dhe më pas groposur nga 38-vjeçari Çalamani. Ndërkohë dje pati tensione në Gjykatën e Fierit ku pritej të jepej masa e sigurisë e 38-vjeçarit. Familjarët e Mateos hynë me forcë në gjykatë ku mendonin se ndodhej autori. Të revoltuar kërkuan dënimin me vdekje të autorit dhe madje nisën të mbledhin firma për një peticion që kërkon dënimin kapital të 38-vjeçarit, që nuk aplikohet më në Shqipëri.
