Një lokal, tre magazina dhe një objekt për banim, vlera e të cilëve llogaritet në rreth 350.000 euro në total, raportohet se i janë sekuestruar një shqiptari në Itali.
Bëhet fjalë për një 43-vjeçar, identiteti e gjeneralitetet e të cilit nuk bëhen me dije nga raportimet e mediave italiane. Pronat në lagjen Cederna të Monzas që ishin në pronësi të gruas së 43-vjeçarit janë sekuestruar nga karabinierët me vendim të Gjtkatës së Monzës, pas dyshimeve se janë përfituar me burime të paligjshme, e konkretisht nga trafiku i drogës.
Hetimi pasuror nisi shkurtin e kaluar pas arrestimit të personit, të cilit iu gjetën dy kilogramë kokainë (me vlerë 100 mijë euro) që mbahej në një nga magazinat e sekuestruara sot.
