Më shumë se 125 fansa paditën reperin Travis Scott për 750 milionë dollarë pas tragjedisë në festivalin “Astroworld” që la 10 të vdekur dhe mbi 300 të plagosur pak ditë më parë.
Padia, e paraqitur nga avokati Tony Buzbee për 125 fansat, akuzon reperin dhe organizatorët për neglizhencë. Një viktimë dyshohet se u shtyp për vdekje nga turma, ndërsa Scott vazhdonte të performonte në skenë. Avokati pretendon se reperi dhe organizatorët nuk kishin marrë masa për të mbrojtur spektatorët.
Reperi thuhet se ka qenë në gjendje shoku pas ngjarjes së rëndë. Ekipi i tij po përpiqet të kontaktojë të prekurit nga incidenti për t’i ndihmuar.
