Nga Erl Kodra
Nuk asht film horror i Stanley Kubrick, as andërr e frikshme e një nate vjeshte. Megjithatë, monstra e horrorit ka emër artistik – Klodian Çalamani. Fundja, makabritetit i duhet edhe përmasa artistike përgjatë transmetimit live.
Sonte do qajmë gjatë. Të paktën unë zor se do mbyllë sy – deri sa të bie shakull nga dhimbja. Pas disa ditësh mund të harroj, derisa ndonjë vrasës tjetër me emër sharmant do të kryej hororrin e rradhës. Njësoj si ai i çmenduri tjetër që masakroi gjithë farefisin – 8 anëtar të familjes!
Të çmendurit e humbëtirës jetojnë lirisht në habitatin e tonë, duke pritur çastin të na kafshojnë në qafë, të na sharrojnë në plumba, ose të na thyejn kafkën me lopatë. Të “krijojnë” horrorin e rradhës me performancë të lartë. Viktimë mund të jetë kushdo, veçanarisht ata që jetojnë në fund të humbëtirës. Mund të jetë ndonjë vajzë e vogël, djalë, grua ose burrë.
Por Kryeministri ynë ka gjetë një zgjidhje origjinale – që do t’ia kalojë edhe Jack Nicholson – humbëtirën tonë do ta vëzhgojë me dy satelitë. Çfarë gjenialiteti!
Merreni me mend se si mund të filmohet nga Albania 1 dhe Albania 2, në dy kënde Klodian Çalamani i rradhës ndërsa pret ndonjë fyt të njomë. Film horror i denjë për Oscar.
