U nda nga jeta në moshën 72-vjeçare, biznesmeni Marsel Skëndo
Skëndo ishte një ndër biznesmenët e parë të Shqipërisë post-komuniste. Prej disa kohësh vuante nga një sëmundje e cila sot e ndau nga jeta.
Marsel Skëndo, njihet si një ndër pionierët e kapitalizmit të ri shqiptar, duke hapur bizneset e para në Tiranën e post-komunizmit, fillimisht duke sjellë mallrat e para të huaja në tregun e varfër shqiptar e më pas duke krijuar një ndër kompanitë e para ajrore në vend, Ada Air.
Marsel Skëndo dha një kontribut të rëndësishëm në ngritjen e medias elektronike në vend, pasi ishte një ndër bashkëpronarët e parë të Televizionit Klan.
