Sekretari i Përgjithshëm i Partisë Demokratike, Gazment Bardhi iu përgjigj deklaratave të Edi Palokës, drejtuesit të Këshillit Kombëtar të PD-së, lidhur me procedurat për mbledhjen e Kuvendit Kombëtar të PD-së.
Gazmend Bardhi u shpreh i bindur se ish-kryeministri Sali Berisha nuk i ka siguruar firmat e nevojshme për mbledhjen e Kuvendit Kombëtar të PD-së. Ai konfirmoi se për të nisur procedurat e thirrjes së Kuvendit Kombëtar të PD-së, duhet që firmat të dorëzohen fillimisht në zyrën e protokollit të partisë, në mënyrë që të verifikohen firmat.
Nga ana tjetër, Paloka, u shpreh se firmat verifikohen në nisje të Kuvendit.
“Shpreh shqetësimin e thellë për vijimin e talljes me demokratët dhe shqiptarët. Jeni bërë pa dëshirën tuaj dëshmitarë të procesit të talljes dhe fyerjes së çdo anëtari të PD. Dua të përsëris apelin tim drejtuar kujtdo që gjykon se duhet të mblidhet Kuvendi Kombëtar dhe pretendon se ka arritur të sigurojë kuorumin për nisjen e procedurave për mbledhjen e Kuvendit, të ndjekë procedurat sipas Statutit. Sot nuk janë fyer vetëm anëtarët, por edhe ajo pakicë që ka besuar në lëvizjen e zotit Berisha. Edhe sikur të jenë arritur 1/8 apo 1/10 siç janë të dhënat tona, ato nuk und të mbyllen në kasafortë. Edhe zëri i kësaj pakicë duhet të dëgjohet nga insitucionet e Partisë. Nxirrni firmat e nga pasaporta, mos bëni show me gazetarët që nuk janë në gjendje të verifikojnë vetë që nuk janë delegatë, por nuk verifkojnë dot janë apo jo anëtarë apo në territorin e Shqipërisë. Ftesa ime është të respektoni Statutin. Kërkesa duhet të dorëzohet në protokollin e PD, institucionet të shqyrtojnë kërkesën dhe zëri i demokratëve të dëgjohet, qoftë ky edhe pakica e pakicës”, tha Bardhi në një prononcim për mediat nga selia blu.
“Z. Paloka tha se nuk ka protokoll në PD”, iu kujtua Bardhit nga gazetarët.
“Është gënjeshtër që PD nuk ka protokoll. Ju e dini si unë, që këtu protokollohet çdo shkresë. Shkresat tona kanë një numër protokolli. Z. Paloka e di shumë mirë se ushtron funksione të larta. Kryetari i Këshillit Kombëtar është një zyrtar i lartë i PD, nuk është roje kasaforte. Në dt. 11 nuk ka Kuvend, por ka miting. Kjo është e drejta e tyre, por Kuvend nuk ka. Demokratët nuk dëgjohen duke i mbyllur në kasafortë, por duke e çuar zërin e tyre tek institucionet e partisë. Në kasafortë mund të mbyllin hallet personale, por jo demokratët. Demokratët kanë vetëm 1 hall: të rrëzojnë 1 orë e më parë regjimin e Edi Ramës”, u shpreh Bardhi.
Lexo edhe:
Bardhi poston videon e Flamur Nokës: Ja çfarë deklaronte për dorëzimin e firmave
Përplasja PD-LSI për listat/ Bardhi: Deklarata e Kryemadhit, e pakuptimtë
