Fundjava parashikohet me prani të reshjeve të shiut në territor.
Shërbimi Meteorologjik Ushtarak njoftoi se të Shtunën, vendi ynë do të vijojë të ndikohet nga kushte të qëndrueshme atmosferike. Moti parashikohet i kthjellët si dhe alternime vranësirash kalimtare të cilat vijnë në dendësim në orët e vona të mbrëmjes. Në momentin e zhvillimit të vranësirave, reshje shiu me intensitet të ulët e shtrëngata lokale priten përgjatë vijës bregdetare.
Ditën e Diel pritet paqëndrueshmëri e kushteve atmosferike. Moti parashikohet i vranët në të gjithë territorin, shoqëruar me reshje shiu të herëpashershme me intensitet të ulët deri mesatar në formën e shtrëngatave. Gjithashtu, në orët e drekës dhe pasdites, lokalisht nuk do të mungojnë intervalet me diell.
