Aktori i famshëm Sylvester Stallone ka zbuluar së fundmi se gati sa nuk vdiq gjatë xhirimeve të filmit “Rocky IV”.
Aktori 75-vjeçar kujtoi se u plagos rëndë nga Dolph Lundgren, i cili luajti rolin e armikut të Rocky-t, Ivan Drago në filmin e vitit 1985, pasi një zënkë shkoi keq. Sylvester, i cili luan Rocky Balboan tha se kishte murgesha që luteshin për të në kujdesin intensiv, pasi Dolph e goditi në zemër me një grusht.
“Tensioni im i gjakut shkoi në 260. Ata menduan se do të flisja me engjëjt”, tha ai.
Vitin e kaluar, ai e diskutoi përsëri incidentin, duke thënë: ”Dolph Lundgren më futi në spital për nëntë ditë. E dija se isha në telashe kur u paraqita dhe kur pashë murgeshat tek luteshin në kujdesin intensiv”.
“Gjithçka që bëra ishte t’i bindesha urdhrave. Ai ishte shefi. Unë bëra atë që më tha. Ne u kthyem në Los Angeles dhe producenti tha: ‘Hej Dolph, ju keni dy javë pushim, Stallone është në spital’”- tha Dolph duke pranuar aksidentin.
