Një person, identiteti i të cilit nuk është bërë i ditur është arrestuar nga policiae Kosovës, pasi akuzohet se ka inskenuar grabitjen e tij nga persona të armatosur.
Sipas njoftimit të policisë, thuhet se rreth orës 08:47, Stacioni Policor në Deçan, është telefonuar se në rrugën Deçan – Gjakovë, një person është i lidhur me litar pranë një automjeti.
Sipas të arrestuari ai po udhëtonte me makinën e tij në drejtim të Deçanit ku është ndaluar nga tre persona të maskuar dhe të armatosur, të cilët sipas tij, i kishin grabitur rreth 3,000 euro.
Hetuesit kanë zbuluar se grabitja në fjalë nuk kishte ndodhur dhe gjithçka ishte inskenim i personit tashmë të arrestuar.
