Nga Boldnews.al
Muajt që lamë pas kanë qenë mjaft stresuese për mijëra banorë të qytetit të Fierit. Mafia e plehrave solli pështjellim në jetët e tyre. Fillimisht landfillit ëgzistues iu vu flaka. Lagje të tëra u ndotën nga tymi dhe era.
Ndërkohë, paralelisht po tentohej që me manovra të dyshimta të vihej në punë inceneratori, ndërsa Subashi kishte bërë disa tendera për blerje pajisje dhe pastrimin e qytetit.
“Mafia kontrollon tenderat në Fier”, ishte kjo deklarata e deputetit Petro Koçi që të alarmonte çdokënd. Ndërkohë që pati informacione se SPAK do të zbarkonte në këtë qytet, por që me kalimin e kohës çështja u zbeh dhe klani i Subashit mbijetoi.
Dhe, në këto kushte, nuk ka më mirë që të bëhen disa tendera zbukurimi. Ose më saktë, të “festohet” fitorja ndaj plehrave dhe SPAK-ut, pasi për parat po paguhet miliona euro për te koncesionari dhe të dytët janë ende “në gjumë”.
Sipas dokumenteve që disponon BoldNews.al, Bashkia e Fierit ka hapur tenderin me objekt “blerje materiale dekori për festat e fundvitit”. Fondi për këtë tender është 3.277.000 lekë, ndërsa ajo që bie në sy është se Subashi me këto para’ do të blejë “drita për pemën e Krishtlindjeve” dhe “dekorime”.
Pra, plot 32 milionë lekë, ose po ti shtosh edhe TVSH-në 38 milionë lekë të vjetra vetëm për të zbukuruar një pemë. Tashmë na mbetet të shohim këtë pemë, ky të gjithë fierakët dhe shqiptarët do të jenë me sy nga Fieri. Kaq para’ s’do ti ketë fond as familja “Rothschild” në Neë York për pemën e Krishtlindjeve. Por, tashmë po i bën karshillik Subashi, ndërsa BoldNews.al do të bëjë një krahasim mes dy pemëve kur do të zbukurohen.
