Një burrë tha se u ndalua të fluturonte pasi karrigia e tij me rrota ishte shumë e rëndë.
24-vjeçari tregoi se i kishin thënë që nuk mund të hipte në aeroplan pasi stafi nuk ishte në gjendje të ngrinte karrigen e tij me rrota, e cila peshon rreth 217 kg.
I riu i cili ka paralizë cerebrale, tha se ishte gati të hipte në avion kur stjuardesi i tha atij se karroca elektrike ishte shumë e rëndë.
Ai tha se piloti më pas konfirmoi se nuk do të lejohej në fluturim, pavarësisht se Ryanair i kishte shkruar paraprakisht për t’i thënë se karrigia e tij do të ishte e pranueshme për t’u marrë në bord.
Ai tha se arriti të fluturonte të nesërmen me një karrocë manuale, pavarësisht se kishte fluturuar me karrocën e tij elektrike dy herë në fluturimet më parë.
“Nuk e kuptova pse këtë herë nuk e pranuan”, tha ai.
